ចំណុចសំខាន់ៗ
- បេសកជនពិសេសលោក Steve Witkoff កាលពីថ្ងៃអាទិត្យបាននិយាយថា ប្រទេសរុស្ស៊ីបានផ្តល់សញ្ញាលើកទឹកចិត្តមួយចំនួននៅក្នុងកិច្ចប្រជុំរបស់ប្រធានាធិបតី Donald Trump ជាមួយប្រធានាធិបតីរុស្ស៊ីលោក Vladimir Putin ក្នុងរដ្ឋ Alaska កាលពីថ្ងៃសុក្រ។
- លោក ពូទីន បានផ្តល់ ”សម្បទាន” ថា ”សហរដ្ឋអាមេរិកអាចផ្តល់ការការពារដូចមាត្រាប្រាំ ដែលជាហេតុផលពិតប្រាកដមួយ ដែលហេតុអ្វីបានជាអ៊ុយក្រែនចង់នៅក្នុងអង្គការណាតូ” Witkoff បាននិយាយថា។
- ទោះបីជាយ៉ាងណាក៏ដោយ រដ្ឋលេខាធិការ Marco Rubio បានសម្តែងការប្រុងប្រយ័ត្ន ដោយកត់សម្គាល់ថា ”យើងនៅមានផ្លូវឆ្ងាយ” ពីកិច្ចព្រមព្រៀងសន្តិភាព។
- ការលើកឡើងរបស់ពួកគេបានកើតឡើងមុនពេលដែលលោក Trump គ្រោងនឹងជួបជាមួយប្រធានាធិបតីអ៊ុយក្រែន Volodymyr Zelenskyy នៅទីក្រុងវ៉ាស៊ីនតោន។
បេសកជនពិសេសរបស់សហរដ្ឋអាមេរិក លោក Steve Witkoff បាននិយាយកាលពីថ្ងៃអាទិត្យថា ប្រធានាធិបតី រុស្ស៊ី លោក វ្ល៉ាឌីមៀ ពូទីន បានយល់ព្រមអនុញ្ញាតឱ្យសហរដ្ឋអាមេរិក និងប្រជាជាតិអឺរ៉ុបផ្តល់ “ការការពារដូចមាត្រា ៥” ដល់អ៊ុយក្រែន ជាការធានាសន្តិសុខ ដើម្បីបញ្ចប់សង្រ្គាម។
លោក Witkoff បាននិយាយកាលពីថ្ងៃអាទិត្យនៅលើ កញ្ចក់ទូរទស្សន៍ CNN ថា ”យើងអាចឈ្នះបាននូវសម្បទានដូចខាងក្រោម៖ ថាសហរដ្ឋអាមេរិកអាចផ្តល់ការការពារដូចមាត្រាប្រាំ ដែលជាហេតុផលពិតប្រាកដមួយដែលធ្វើឱ្យអ៊ុយក្រែនចង់ស្ថិតនៅក្នុងអង្គការណាតូ” ។
លោកបានបន្តថា វាជាលើកទីមួយហើយដែលយើងបានឮជនជាតិរុស្ស៊ីយល់ស្របនឹងរឿងនោះ។
មាត្រា ៥ របស់អង្គការណាតូ ចែងថា “ប្រសិនបើសម្ព័ន្ធមិត្តណាតូជាជនរងគ្រោះនៃការវាយប្រហារដោយប្រដាប់អាវុធ សមាជិកម្នាក់ៗនៃសម្ព័ន្ធនឹងចាត់ទុកអំពើហឹង្សានេះថាជាការវាយប្រហារប្រដាប់អាវុធប្រឆាំងនឹងសមាជិកទាំងអស់ ហើយនឹងចាត់វិធានការដែលវាយល់ថាចាំបាច់ដើម្បីជួយសម្ព័ន្ធមិត្តដែលត្រូវបានវាយប្រហារ”។
ប្រធានគណៈកម្មការអឺរ៉ុប លោកស្រី Ursula von der Leyen បាននិយាយកាលពីថ្ងៃអាទិត្យថា លោកស្រីបានស្វាគមន៍ចំពោះការធានាសន្តិសុខសម្រាប់អ៊ុយក្រែន ហើយថា ”សហភាពអឺរ៉ុប ... ត្រៀមខ្លួនជាស្រេចដើម្បីធ្វើចំណែករបស់ខ្លួន” នេះបើយោងតាម សារព័ត៌មាន Associated Pre
ប្រធានាធិបតីអ៊ុយក្រែន លោក Volodymyr Zelenskyy បាននិយាយថា វាគឺជា ”ការសម្រេចចិត្តជាប្រវត្តិសាស្ត្រ ដែលសហរដ្ឋអាមេរិក ត្រៀមខ្លួនរួចជាស្រេច ដើម្បីចូលរួមក្នុងការធានាសន្តិសុខ សម្រាប់អ៊ុយក្រែន” នេះបើយោងតាមការ ចុះផ្សាយ របស់គេហទំព័រ X.
គាត់បានសរសេរថា ”ការធានាសុវត្ថិភាព ជាលទ្ធផលនៃការងាររួមគ្នារបស់យើង ត្រូវតែអនុវត្តជាក់ស្តែងណាស់ ការផ្តល់ការការពារនៅលើដី លើអាកាស និងនៅសមុទ្រ ហើយត្រូវតែត្រូវបានអភិវឌ្ឍដោយមានការចូលរួមពីអឺរ៉ុប” ។
ការកត់សម្គាល់របស់បេសកជនពិសេស Witkoff ធ្វើឡើងតែប៉ុន្មានថ្ងៃបន្ទាប់ពីប្រធានាធិបតី Donald Trump បានជួបប្រជុំនៅរដ្ឋ Alaska ជាមួយលោក Putin ចំពេលប្រទេសរបស់លោកកំពុងមានសង្រ្គាមជាមួយអ៊ុយក្រែន។ លោក Trump និងរដ្ឋបាលរបស់លោកបានសាទរ កិច្ចពិភាក្សានេះថាជា “ផលិតភាព ” ប៉ុន្តែព័ត៌មានលម្អិតនៃកិច្ចប្រជុំនេះនៅមិនទាន់មាននៅឡើយ។
លោក Trump ក្នុងការដឹកនាំកិច្ចប្រជុំរបស់លោកជាមួយលោកពូទីន បានសង្កត់ធ្ងន់ម្តងហើយម្តងទៀតអំពីតម្រូវការសម្រាប់បទឈប់បាញ់ជាបន្ទាន់ និងយូរអង្វែងនៅក្នុងសង្គ្រាម។ss ។